ಸಮರಸವೇ ಜೀವನ ಕವನ ೧೬/೧೨/೨೦೨೦

 ಕವನದ ಶೀರ್ಷಿಕೆ

*ಸಮರಸವೇ ಜೀವನ*

ಅನುರಾಗ ಅರಳಿ ಸರಸ ಬೀರಲು

ಹೊಂದಾಣಿಕೆ ಬೇಕು ಮಾನವ

ಹಿರಿಯರ ಸಲಹೆ ಕೇಳುತ ಸಾಗಲು

ಜೀವನ ಸುಂದರ ಸುಖಮಯವು

ಜಾತಿ ವಿಜಾತಿಗಳು ತೊಂದರೆ ಕೊಡವು

ಗೆಳೆತನದ ಸವಿರುಚಿಗೆ ಸುಖ ದುಃಖಗಳಲಿ

ಭಾಗಿಯಾಗಿ ನೋವ ಮರೆಯಲು ಸಹಕಾರಿ

ನಂಬಿಕೆಯ ನೆಲೆಯೇ ಕೆಳೆತನದ ಜೀವಾಳವು

ಭಾವ ಬಂಧನದಲಿ ಕೂಡುವೆವು ನಾವು ನೀವು

ಬದುಕಿನ ಪಯಣದಲಿ ಹಲವು ಮಜಲುಗಳು

ಕಾಣುವೆವು ಗಂಡ ಹೆಂಡತಿ ಜೊತೆ ಜೊತೆಯಾಗಿ

ಅವರವರ ಭಾವನೆಗಳ ಅರಿತು ಸಾಗಲು ಸರಳ

ಸವಿಮಾತು ಸವಿನಯದ ನಡೆಯೇ ಸುಗಮ ದಾರಿ

ಒಲವಿನ ಓಲೆ ಬರೆಯೋಣ ನಾವು ನೀವು ಒಂದಾಗಲು

ನೆಲ ಜಲ ವೇ‌ಷ ಭಾಷೆಯು ನಮಗೆ ಉಸಿರಾಗಿರಲಿ

ಸುಖಿ ಸಂಸಾರ ಸಾಗಲು ಸಮರಸ ಜೀವನ ನಡೆಸೋಣ

ರಚನೆ

ಯಗುಮಾಶ

*ಶ್ರೀ ಶರಣಬಸ್ಸಪ್ಪ ಎಂ ಗುಳೇದ*