ಸ್ವರಚಿತ ಕವನ ೧೪/೧೦/೨೦೨೦

 ಕವನದ ಶೀರ್ಷಿಕೆ

*ಅಕ್ಕನ ಅಕ್ಕರೆ*

ನನಗಿಂತಲೂ ದೊಡ್ಡವಳು ಅಷ್ಟೆ ದೊಡ್ಡ

ಮನಸ್ಸು ನಿನ್ನದು ನನಗೆ ಯಾವಾಗಲೂ

ಕನಸಲ್ಲೂ ಕೇಡನು ಬಯಸದವ ಜೀವ

ನೀನು ನಿನಗಾಗಿ ಮಾಡಲಿಲ್ಲ ನಾನೇನೂ...!

ತಾಯಿಯಂತೆ ವಿಶಾಲವಾದ ಮನಸು ಅಕ್ಕಾ

ನನಗೆ ದುಃಖವಾದರೆ ನೀನಳೋದು ಪಕ್ಕಾ

ಯಾವಾಗಲೂ ನನ್ನದೆ ಚಿಂತೆ ಅದೇಕಕ್ಕಾ

ನನಗೆ ತಿಳಿಯದು ಅಕ್ಕನ ಅಕ್ಕರೆ ಸಕ್ಕರೆಯಕ್ಕಾ

ಬಯಸದೆ ಬಂದ ಭಾಗ್ಯ ನೀನಾಗಿರುವೆ

ಚಂದಿರನ ನೆರಳಿನಂತೆ ತಂಪನೀಯುವೆ

ಬಾಲ್ಯದ ತುಂಟಾಟಗಳ ನಂಟು ನಿನ್ನಲ್ಲಿವೆ

ಆಟ ಆಡ್ಕೊಂಡು ಕುಣಕೋತ ತಿರುಗಿದೆವು

ಗಿಡಕೆ ಜೋಗುಳ ಆಡೋದು,ಕಾಲ್ಚೆಂಡು ಸದಾ

ಕೆರೆಯಲ್ಲಿ ಗೆಳೆಯರ ಸಂಗಡ ಈಜಾಡೋದು

ಹುಣಸೆ ಮರದಲಿ ಕಣ್ಣು ಮುಚ್ಚಾಲೆ ಆಡೋದು

ಈಗಿನ ಮಕ್ಕಳು ಮರೆತಿರುವರು ಆಡಿ ನಲಿಯೋದು

ರಚನೆ

ಯಗುಮಾಶ

*ಶ್ರೀ ಶರಣಬಸ್ಸಪ್ಪ ಎಂ ಗುಳೇದ*

ಯರಗೋಳ ತಾ.ಜಿ. ಯಾದಗಿರಿ